الشاعر عادل بناصر – بلجيكا
انا عندي قلب مش قلبين ..
و عايش بحبين
بدل الام عندي أثنين ..
واحدة شالتني في بطنها ..
الثانية داتني حبها
زي الرضيع ما قدرتش أصدها
مش سنة أو سنتين ..
قدري و مكتوب عل الجبين ..
كبدي مقسوم بين بلدين
المغرب أمي .. ادتني لحمي و دمي
فيها جدي و خالي و عمي ..
و مصر كل حلمي .. أملي و همي
و ضميني ضمي
أملي أشوفك مبسوطة ..
فايقة .. رايقة .. مضبوطة
بتاريخك مربوطة ..
و ريحة الأمل دخان .. ف كل مكان
من الصعيد للخان ..
و الله لي بنى مصر .. واهرام الاقصر
جدنا بشر مش جان
و الله بعشق الجيش .. و فخري جنبو أعيش
الطاير ف السما بالريش .. و احنا بلحب بنعيش
حتى على رغيفة و جبنة قريش ..
الحب حب .. و العاشق ما بيرتشيش
ف لحب ما فيش زينا .. مين حيكون قدنا ؟
مين يقدر يصدنا ؟ مين ح يهدنا ؟
و ضفاف النيل بضمنا ..
بيسيل و بيرسم حلمنا
المغرب علمتني .. على الحب ربتني
و مصر أرضعتني .. بالفن سقتني
المغرب اداني .. ملك كبير و إنساني
و مصر مع السيسي .. شكل ثاني
… تستمر الحكاية
و يستمر حب بين قلبين ..
